خلاص مالك في حياتي بقايا

خلاص مالك في حياتي بقايا.....حبك دفنته وارتحل من حياتي
ماباقي الا من رصاصك شظايا.....وسط الحشا خايف يسبب وفاتي
يا ولد انت قد ذقت كاس المنايا.....منك شربته لين ذابت شفاتي
من سبتك يومك قصدت جفايا.....وحرمت عيوني لذيذ المباتي
ياللي حرمت بعيشي هنايا.....ياللي من اجلك صار فكري شتاتي
وبعده تجازيني بذيك السوايا.....غدر وخيانه منك هذي جزاتي؟؟؟
ذليتني واشمت فيني عدايا.....وانا الذي ماطعت فيك الوشاتي
ياكاسب فيني ذنوب وخطايا.....الله لايكفيك شر دعواتي
ادعي عليك الله رب البرايا.....كانك تعمدت عناي وشقاتي
إنه يذلك ياخبيث النوايا.....ويجعل جميع احباب قلبك عداتي
وتشغلك بالنيا هموم وبلايا.....وتحتار ماتلقى لنفسك سلاتي
وتنسد في وجهك دروب وزوايا.....وتضيق بعيونك وساع الفلاتي
وبعده يجعلك سهام المنايا.....ويروح عمرك من حياتك فواتي
ولا صاحبٍ عندك يشيل الوصايا.....لأنك غدرتني وخنت وصاتي
نذر علي لحرمك حتى عزايا.....ولاحزن على موتك واهل عبراتي
ووقف على قبرك بوقف الضحايا.....وأقول لك ياولد هذي دعاتي
وان خانني دمعي بلحظة بكايا.....بسجد عسى تكفير من سيئاتي
ولجل الغلا الاول وصادق وفايا.....بطلب لك الرحمه بتالي صلاتي